ផ្សព្វផ្សាយអនុសាសន៍កែទំរង់យោធារបស់សម្ដេចតេជោនៅយោធភូមិភាគ៥
លោកនាយកឧត្ដមសេនីយ៍នាង ផាត រដ្ឋលេខាធិការក្រសួងការពារជាតិបាននាំយកអនុសាសន៍របស់សម្ដេចអគ្គមហាសេនាបតីតេជោ ហ៊ុន សែន
នាយករដ្ឋមន្ដ្រី (អនុសាសន៍ក្នុងពិធីបូកសរុបការងារក្រសួងការពារជាតិឆ្នាំ២០០៥-២០០៩ និងលើកទិសដៅ២០១០ ថ្ងៃទី២៤ មករា ឆ្នាំ២០១០)
ទៅផ្សព្វផ្សាយនៅទីបញ្ជាការដ្ឋានយោធភូមិភាគ៥ ក្រុងបាត់ដំបងកាលពីព្រឹកថ្ងៃទី២២ កុម្ភៈ ក្នុងយុទ្ធនាការកែទំរង់យោធានិងលុបបំបាត់មន្ដ្រីអនុវត្ដ
មិនល្អ ។
អញ្ជើញចូលរួមក្នុងឱកាសនោះមាន លោកឧត្ដមសេនីយ៍ត្រីឯក សំអូន មេបញ្ជាការរង និងជាសេនាធិការនៃបញ្ជាការដ្ឋាន យោធភូមិភាគ៥
នាយទាហាន ពលទាហាន ព្រមទាំងនាយការិយាល័យចំណុះយោធភូមិ ៥ទាំងអស់ ។
លោកនាយឧត្ដមសេនីយ៍នាង ផាត បានលើកឡើងតាមអនុសាសន៍សម្ដេចតេជោថាមន្ដ្រីកងយោធពលខេមរភូមិន្ទទាំងអស់ត្រូវតែមានស្មារតី
ទទួលខុសត្រូវខ្ពស់ក្នុងភារកិច្ចរបស់ខ្លួន ចូលរួមទប់ស្កាត់បទល្មើស សីលធម៌ ថ្លៃថ្នូរ មិនរួមដៃជាមួយឈ្មួញទុច្ចរិត និងទៅរំលោភយកដីប្រជាពលរដ្ឋ
ស្លូតត្រង់ឡើយ។