បុរសជនជាតិបារាំងហែលទឹកគាំងបេះដូងស្លាប់នៅឆ្នេរសមុទ្រកោះរុងសន្លឹម
បុរសជនជាតិបារាំងម្នាក់ឈ្មោះ ANIZIN
IDNOND
អាយុ៦៥ឆ្នាំបានគាំងបេះដូងស្លាប់ ខណៈពេលកំពុងហែលទឹកចេញពីទូកមួយទៅកាន់មាត់ច្រាំង
នៃឆ្នេរសមុទ្រកោះរុងសន្លឹម ក្រុងព្រះសីហនុ ទីដែលរូបគាត់មានបំណងទៅកំសាន្ដលំហែកាយកាលពីវេលាម៉ោង៥និង១៥នាទីល្ងាច ថ្ងៃទី ២០កុម្ភៈ។
សមត្ថកិច្ចបានឱ្យដឹងថាបុរសជនជាតិបារាំងម្នាក់នេះ បានទៅកំសាន្ដលេងនៅលើឆ្នេរហាវ៉ៃ រួចហើយបានជួលទូកម៉ាស៊ីនមួយគ្រឿងឱ្យគេចម្លងទៅ
លេងលើឆ្នេរកោះរុងសន្លឹម លុះពេលជិតដល់ច្រាំងទៅហើយ បុរសជនបរទេសម្នាក់នេះបានឱ្យអ្នកបញ្ជាទូកឈប់សំចត ដោយទុកឱ្យគាត់ (ANIZIN)
ហែលទឹកទៅកាន់ច្រាំង ព្រោះគាត់ចូលចិត្ដហែលទឹក ពេលនោះហត់ពេកក៏គាំងបេះដូងស្លាប់តែម្ដង។ មុនពេលស្លាប់ បុរសឈ្មោះ ANIZIN
IDNOND
ជាអ្នកទេសចរណ៍បានចូលស្នាក់នៅផ្ទះសំណាក់មួយឈ្មោះសាន់ស៊ីត បន្ទប់លេខ១៩ ក្រុងព្រះសីហនុ។