អង្គការចំនួន១២មានគំរោងដង្ហែរូបតុក្កតាយក្សក្នុងក្រុងទេសចរណ៍...បំណងបំផុសគំនិតឱ្យមានការស្រលាញ់បរិស្ថាន សត្វព្រៃ និងវប្បធម៌
អង្គការចំនួន១២ជាសមាជិក គំរោងតុក្កតាយក្ស
គ្រោងនឹងដង្ហែជាក្បួននៅតាមដងផ្លូវក្នុងក្រុងទេសចរណ៍សៀមរាប
ដោយមានកុមារប្រមាណជាង៤០០
នាក់ចូលរួម ដើម្បីធ្វើយុទ្ធនាការមួយបំផុសគំនិតឱ្យមានការស្រលាញ់បរិស្ថាន សត្វព្រៃ និងវប្បធម៌ នៅក្នុងប្រទេសកម្ពុជា ។
ការដង្ហែក្បួននេះនឹងធ្វើឡើងនៅវេលាម៉ោង១៩យប់ថ្ងៃទី២៧ កុម្ភៈ ឆ្នាំ២០១០ ខាងមុខ ដោយមានដង្ហែរូបសត្វព្រៃធំៗជាច្រើនប្រភេទ ដូចជា
សត្វក្ងោក សត្វមេអំបៅ គ្រុឌ ហើយនឹងមានរូបអធិរាជសំលេងមាស ស៊ីន ស៊ីសាមុត និងទេពធីតាសំលេងលោមចិត្ដកោះ អន្លង់ស្នេហ៍ រស់ សេរី
សុទ្ធា ជាអ្នកចំរៀងដ៏ល្បីល្បាញរបស់ប្រទេសកម្ពុជា កាលពីសង្គមរាស្ដ្រនិយម ហើយអ្នកចំរៀងទាំងពីររូប នេះតែងតែបានច្រៀងរៀបរាប់ជា
ច្រើន ពីព្រៃព្រឹក្សា ធម្មជាតិ វប្បធម៌ និងជីវិតសត្វ ព្រៃផងដែរ ។